Home / Mir Taqi Mir / Ghazal of Meer Taqi Meer-Shikwa karun main kab tak

Ghazal of Meer Taqi Meer-Shikwa karun main kab tak

Shikwa karun main kab tak us apne meharban ka
Al-qissa rafta rafta dushman hua hai jan ka

Di ag rang-e-gul ne wan ai saba chaman ko
Yan ham jale qafas mein sun hal ashiyan ka

Har subah mere sar par ik hadisa naya hai
Paiwand ho zamin ka, shewa is asaman ka

Kam-fursati jahan k majma ki kuch na pucho
Ahwal kya kahun main, is majlis-e-rawan ka

Ya roye, ya rulaye, apni to yun hi guzari
Kya zikr ham safiran yaran-e-shadman ka

Qaid-e-qafas mein hain to khidmat hai naligi ki
Gulashan mein the to ham ko mansab tha rauzakhwan ka

Pucho to ‘Mir’ se kya koi nazar para hai
Chehra utar raha hai kuch aj us jawan ka

About fbkidunya

Check Also

Tum nahin fitna-saz sach sahab Mir Taqi Mir Urdu Poetry Ghazals

Tum nahin fitna-saz sach sahabShahar pur-shor is gulam se hai Koi tujhsa bhi kash tujh ...

Leave a Reply

Your email address will not be published. Required fields are marked *

//