Home / Ankhy Shayari / Urdu sad Ghazal shayari on Aankhon -Aaj itanii pilaa de aankhon se

Urdu sad Ghazal shayari on Aankhon -Aaj itanii pilaa de aankhon se

Tere dar pe vo aa hii jaate hain 
Jin ko piine kii aas ho saaqii

Aaj itanii pilaa de aankhon se
Khatm rindon kii pyaas ho saaqii

Halqaa halqaa suruur hai saaqii
Baat koii zaruur hai saaqii

Terii aankhen kisii ko kyaa dengii
Apanaa apanaa suruur hai saaqii

Terii aankhon ko kar diyaa sajadaa
Meraa pahalaa qusuur hai saaqii

Tere ruKh pe ye pareshaan zulfen
Ik andhere men nuur hai saaqii

Terii aankhen kisii ko kyaa dengii
Apanaa apanaa suruur hai saaqii

Piine vaalon ko bhii nahiin maaluum
Maikadaa kitanii duur hai saaqii

About fbkidunya

Check Also

Loving SMS Messages – Wo Tmam Meri Himaqten

Wo Tmam Meri Himaqten Jo Hui Gunah ki Chaon Me Wo Amal ki Sari Ksafaten ...

Leave a Reply

Your email address will not be published. Required fields are marked *

//